Ministry of Health and FamilyWelfare (MoHFW) chuan nimin khan thuchhuah siamin, India chu khawvela vaccine pe chhuak hnem ber ram pathumna a ni an ti a. United States leh United Kingdom tih lohvah India chu vaccine pe hnem ber ram a ni ta a ni.
India rama state 12 zetah chuan mi nuai hnih aia tam theuh vaccine pek an ni tawh a. Uttar Pradesh-ah ringawt vaccine hi mi 6,73,542 hnenah pek an ni tawh a ni.
Chawlhni zing dar 8 thleng khan India ram pumah mi 57,75,322 hnenah vaccine hi pek a ni tawh a. Vaccine pek hun hi vawi nuai khat chuang neih a ni tawh a ni.
Vaccine la tawh zingah hian healthcare workers 53,04,546 leh frontline workers 4,70,776 te an ni. Hetih lai hian thil lawmawm tak awm ve leh bawk chu, nimin report-ah hian darkar 24 liamta chhung khan India ram pumah Covid-19 vanga thi thar hi 80 an tling lo a, thla kaw chhunga ni khata Covid vanga thi tlem ber tum a ni tih Health Ministry huan an sawi.
Comments
Post a Comment