Union Budget, 2021 chu February ni khat hian Union Finance Minster chuan a tlangzarh dawn a. He budget hi paper tel lovin pharh an tum thu Finance Ministry chuan an sawi a ni.
India ramin Union Budget a neih tawhte chu paper hmanga lehkhabu siama pharh a ni thin a. Tun tuma mi hi paper hmang lova budget pharh hmasak ber tur a ni dawn a. Kum 2021 Union budget hi print a ni dawn lo a ni.
Sorkar huan Parliament-a House pahnih atangin budget hi print lohva pharh phalna a nei tawh a. Budget hi tunhma anga print a nih chuan a print turin kar eng emaw zat chhung chu press-ah a chhu turin mi eng emaw zat a huhovin an awm a ngai dawn a. Hei hi coronavirus hri leng mekah a rem lo niin sawi a ni a. Budget hi Finance Minister hnuaia printing press, North Block-ah print a ni thin a ni.
Union budget hi print a nih hmain he budget siamna atana tha thawhtute chu kal khawmin, hun pui tak hman a ni thin a, January ni 20 velah hian an print tan tawh thin a. Print a nih tawh chuan staff-te chu press chhungah an cham tawp a, budget pharh a nih hma zawng chu an in lamah an haw tawh ngai lo a. Hetia an print lai hi chuan official te pawh card nei lo chu press chhungah hian luh tir an ni ngai lo a. Motor-a load leh un-load te pawh special security force-ten an ti vek thin a ni.
Comments
Post a Comment