Model-actress Pamela Anderson chuan pasal a nei leh ta a. Kum 53 mi a ni tawh.
Baywatch star, a hnute len vanga hriat lar hlawh tih mai theih hian a bodyguard Dan Hayhurst chu Canada ramah Krismas urlawk ni daih tawh khan a lo nei ru reng a nih chu!
Tun hnai khan Anderson hian a pasal neih leh thu hi a puang chauh a. An inneih thu hi an puangzar nasa lo hle a ni ang. ‘Min hmangaih tak taktu thlazar hnuaiah ka awm a, ka awmna tur dik takah ka awm mek a ni,’ a ti.
Anderson hian hripui leng avanga inkharkhip tak tak lai khan Hayhurst nen hian hmangaihna khurah an tlu dun tih a sawi a. ‘Hmangaihna khurah ka tlu a, kan innei ta a ni. Kan chhungte ve vein mal min sawm a, kan zavaiin kan hlim niin ka hria,’ a ti a. ‘Kum 25 liam taa ka pi leh pute hmun ka leiah kan innei a, he hmun hi ka nu leh pate inneihna hmun a ni a, tun thlengin an la innei a, hei hian ka rilru a tinuam khawp mai,’ a ti.
Anderson hian pasal vawi ruk a neihna a ni ta a. Tommy Lee, Kid Rock, Rick Salomon, Jon Peters te a lo nei tawh a, Salomon nen hian vawi hnih an innei a. Peters nen hian nikum February thla khan an innei a, ni 12 chiah an innei hman tihin an inthen leh nghal!
Kum 53 mi ni tawh mah se hmangaihna lamah a la vanglai viau a ni ang, pasal panga a neihnaah hian a la hlim hle a ni.
Comments
Post a Comment