UK-ah chuan Krismas rim a nam nasa tawh mai a. UK chart-a top 40-ah chuan hla tam zawk chu Mas hla a ni tawh!
UK Chart-ah number Two nihna rawn hauhtu chu Mariah Carey hla - All I Want for Christmas is You ti kha a ni a. A hnuai lamah Mas hla a intlar thla thut a, hla 21 lai chu top 40-ah hian Mas hla a ni.
UK single number one chu Ariana Grande hla, ‘Positions’ a ni a, Mas hla a ni lo va. Mahse, a bak dangah chuan Mas hla inkarah hla dang a awm a ni ve chauh a ni.
Official Charts Company-a an hotupa Martin Talbot chuan, “Hetianga Mas hla a rawn lar hluai mai hi ni dangah a awm mang lo va, thil danglam tak a ni,” a ti a. Kuminah hian Mas hla hi November thla a\angin mipuiten kan ngaithla \an tawh tih sawiin, “Kumina thuthar kan hriat ninawm em em mai lak a\anga rilru tihnawm nan mipuite chuan hla, TV leh film kan hmang nasa a. Lehkhabu leh rimawi ngaihthlak lamah kan ram\ang nasa a ni,” a ti.
Kar liamta khan Wham-ho hla, Last Christmas leh The Pogues with Kirsty-te hla, Fairytale of New York te chu top 10-ah an rawn lang leh a ni
Ariana Grande a che tha hle a. Positions a number one bakah 34+35 chu number 10-ah a awm bawk a ni.
Talbot chuan, “Mipuite hian tunhma zawng aia hmain Christmas tree an lei a, kum dang aia hmain Mas in chei leh kawn chei te an ti hma zawk a. Hripui vanga ipikna atanga tal chhuah a, Mas boruaka chen thuai thuai an duh niin a lang. Kuminah hian hun dang zawng aia hmain Mas hman hi kan phu hliah hliah a ni,” a ti bawk.
Krismas hla ni lova top 10-a rawn lang zingah Little Mix, Miley Cyrus, Dua Lipa leh Tate McRae te an tel a ni.
Album Chart lamah chuan Gary Barlow album thar Music Played by Humans chu number one a ni a. Step-ho album thar What the Future Holds chu number two a ni a. Album Chart lamah pawh Krismas rim a nam vung vung a. Michael Ball leh Alfie Boe-te Mas album 'Together at Christmas' chu number 3 a ni a. Andre Rieu leh Johann Strauss Orchestra-te album 'Jolly Holiday' chu number 8 niin, Michael Buble-a album Christmas chu number 9 a ni bawk.
Mas rim nam hian BTS a khawih chhe hle a. Kar hmasa lama number 2 'Be' kha tunah chuan number 33-naah a tla thla daih tawh a ni.
Comments
Post a Comment