Senior Bihar BJP leader Sushil Kumar Modi chu nimin khan Ram Vilas Paswan-a thihsan Rajya Sabha seat-a inthlan thatna neiah chuhtu awm lovin MP atan thlan a ni.
Nimin kha inthlanna chuh tuma hming pete tana inhnuh dawhna hun tawp a ni a. Sushil Modi khingtu tur hi an awm lo a, a tling tih entirna certificate hlan nghal a ni.
Sushil Modi hi Bihar state Deputy CM hlui a ni a. Bihar-a BJP leh JD(U) thawk dun sorkarah nihna pawimawh tak chelh leh tura ngaih a nih laiin nihna engmah pek a ni lo va. Hemi avang hian BJP chuan sorkar laipui lama hnathawk turin an duh niin ngaih a ni a. Rin ang ngeiin Lok Jan Shakti MP ni lai Paswan-a thihsan MP bial atana inthlan chuh turin an ti ta a. Bihar-ah chuan Tar Kishore Prasad leh Renu Devi-te chu Deputy CM atan lak luh an ni ta bawk a. Nimina a tling tih puan a nih lai leh certificate hlan a nih lai pawhin Dy CM pahnih te hi awm vein, state BJP president Sanjay Jaiswal pawh a tel a ni.
Sushil Modi khing tur hian Independent-in Shyam Nandan Prasad chuan nomination a file ve a, mahse, MLA zingah thlawptu a neih loh avangin a nomination hi hnawlsak a ni ta a ni.
Comments
Post a Comment